Ua lomia i le stuff.co.nz i le aso ananafi se isi lipoti e faatatau i le faalavelave na maliu ai si tina mai Niu Sila iinei i Ausetalia, Siva Auvae lea e faapea o faamatalaga mai le aiga o le alii ua tuuaia na fasiotia Siva, ua ta’ua ai sa taofia lea tagata i se clinic mo i latou e iai gasegase o le mafaufau, mental health.

Fai mai le lipoti ua faamatala e se tasi o le aiga o si tina ua maliu, na agai atu si aiga lea i Ausetalia ae sa taua foi le faaauau pea ona iai popolega e faatatau i le alii o Anaru.

O loo faaauau suesuega i le mataupu ae o loo tele nisi o auaunaga e mafai ona fesoasoani ai pe afai e manaomia le fesoasoani i tulaga o faafitauli e pei o gasegase o le mafaufau ma isi faaletonu faapea a o lei oo i se tulaga e aafia ai ma ma’umau ai soifua.

Afai o e iai i se tulaga lamatia ona o se tulaga faapea e mafai ona e valaau sa’o i le 111 mo se fesoasoani.