E ono falepuipui nisi pule o galuega i Ausetalia mo le oo atu i le 10 tausaga ma faasala e totogi faasalaga tupe pe $1.65 miliona pe afai e fai ma lo latou iloa le totogiina o a latou tagata faigaluega i totogi e maualalo ifo nai lo le totogi e tatau ona iai, o se vaega lea o tulafono fou o le a amata faamamalu i le aso 1 o Ianuari 2025.
O ia tulafono fou ma faasalaga ua faailoa mai ua faia i le mae’a o le tele o tausaga o lipotia ai le totogi o tagata faigaluega i totogi e itiiti ane nai lo le totogi e tatau ona iai e pei o mataupu sa aofia ai fale faigaluega e pei o le Woolworths, Chatime, Qantas, NAB, BHP 7Eleven ma le ABC.
O tulafono fou ua iai nei o le a mafai ai e le Fairwork Australia ona apalai iai ma le tulafono faasolitulafono pe a faamaonia.
O suiga fou i le tulafono e aga’i sa’o ia i latou e faia le tulaga lea o le gaoia o tupe mai tagata faigaluega e ala i le lē sa’o o le faiga o totogi.
Puna o Faamatalaga: https://www.abc.net.au/news/2024-12-30/wage-theft-crime-jail-intentional-fair-work/104758608
