O le vaiaso fou lea ua lipotia o le a asiasi mai ai le sui peresetene o Indonesia Maruf Amin i Niu Sila nei ma o le uluai taitai lea o Indonesia o le a malaga asiasi mai i Niu Sila talu mai le 2018.
Ua faailoa i se saunoaga a le Sui Palemia o Niu Sila, Winston Peters o Niu Sila ma Indonesia e iai le la faiga faapaaga malosi tele.
Ta’ua e Peters o le asiasi mai o le sui peresetene o se avanoa e talanoaina ai auala e atili faamalosa ai le sootaga ua 65 tausaga o le faigapaaga ma nofo sauni foi i le isi faigamalo o le a sosoo ai a Indonesia.
O mataupu tau fefaataua’iga ma le faatupulaia pea o popolega mo si pailate Niu Sila o loo taofia faapagota i Papua, Philip Mehrtens o le a agai iai talanoaga.
O Indonesia o se atunuu i South East Asia e aupito telē lona tamaoaiga ma o le atunuu lona 4 aupito telē lea i le lalolagi.
O le a iai polokalame i Aukilani ma Ueligitone e aofia ai le alii sui peresetene e aofia ai ma se la fonotaga ma le alii Palemia, Christopher Luxon ma le Sui Palemia Winston Peters.
