Ua lipotia i le vaiaso nei e faitau selau tagata ua aafia i le gasegase e faaigoaina o le Strep A ma ua i totonu o Ausetalia ma ua tuuina mai ai se lapataiga.

Fai mai e silia ma le 500 le aofai o cases o le streptococcal disease ua faamaonia i le tausaga nei faatusa i le 1,200 na faamauina i le tausaga atoa 2022. 

E toalua tamaiti na maliliu i Vitoria i le tausaga na tea nei ina ua aafia ai ma ua faailoa o le siama lea e mafua ai le infection ma e taatele, e masani ona maua i tagata i vaega o le tino e pei o le ua ma le pa’u o le tino.

Fai mai e matele ina leai ni auga e aafia ai nisi ae afai e aafia o auga e aofia ai le malosi o le fiva, tiga le faai ma a faatetele e iu ina maua ai i nisi gasegase ogaoga pei o le scarlet fever ma le cellulitis.

Fai mai e mafai ona pepesi pe a tale pe fogi le isu o le tagata tulou. O le auala sili mo le puipuia o le faamamā o le siomaga o loo aumau ai.