Ua mautu mai o Farani lea o le a fetaui ma le Matildas i le quaterfinals o le Ipu o le Lalolagi i le soka a tamaitai.
O le taaloga a Farani ma Morocco ua faia’ina ai Morocco i ‘ai e 4-0.
O loo tulaga lima Farani i le lalolagi.
O le faafā ai lenei o taimi ua sao ai Farani i le quaterfinals o Ipu o le Lalolagi i lea lava taaloga ma o se luitau tele lea mo le Matildas.
O le ta o le 5 i le afiafi o le Aso Toonai nei i le Lang Park i Brisbane e faataunuu ai lea fetauiga.
Ua ta’ua i lipoti e ao ona finau malosi le Matildas mo tapenaga i lea taaloga auā e lē faigofie.
