Ua tuuina mai nei le lisi o tagata, o ē iloga i polokalame eseese i luga o le televise ma ata tifaga, o le a faia iai sa’iliga ma filifiliga mo faailoga taualoa mo le tausaga i le faamoemoe tele o le tufatufaga faailoga mo ata tifaga ma polokalame – New Zealand Screen Awards.
Ma ua tuuina mai nei le lisi o i latou o ē o le a fai iai le filifiliga mo se tasi e sola ma le manumālō o le faailoga ua ta’ua o le 2025 Screen Personality of the Year – o se faailoga e manatua ma amana’ia ai sē ua mata’ina ana taumafaiga i polokalame i luga o televise ma ata tifaga Aotearoa nei.
Ua faamaonia mai ai le filifilia ai le tama’ita’i o Anapela Polata’ivao, o se alo o Samoa e sa’ili ai sē o le a mauaina lea faailoga taualoa.
O Anapela e to’aiva iai i latou ua filifilia (nominate) mo lea faailoga, ae e to’alua ia te ia tagatānuu Pasefika o loo saofagā atu i lea sa’iliga.
E 57 lelei faailoga taualoa o lea faamoemoe ma o le faatautaia i le aso 21 o Novema 2025.
E momoli atu ai le faamanuiaga mo lea alo o Samoa.
Mo le silafia o Anapela o se tagata iloga i ata ma polokalame, ma o se tasi o ata o loo maualuga ai lava ana taumafaiga ma ua faapena ona to’atele tagata i Niu Sila ma atunuu i fafo e fiafia iai o le ata o le Tinā.
Puna o Faamatalaga: https://www.facebook.com/share/p/1ACySLnMdQ/
