Ua ioeina e le Minisita o le Soifua Mālōlōina a Niu Sila, Simeon Brown le faia o se iloiloga e le Matagaluega o le Soifua Mālōlōina e tali atu i se tulaga ua solia ai aiaiga e faatatau i ni faamatalaga faatatau i se gasegase i luga o le ManagemyHealth.
Fai mai le leitio faavaomalo a Niu Sila ua faamata’u ane nei hackers o le a faamatu’u atu faalauaitele le 400 afe o faamaumauga ua gaoia mai faila a gasegase i luga o le ManageMyHealth pe afai e le totogia atu le vaegatupe o loo mananao ai.
I se pepa o faamatalaga pei ona taua i le lipoti ua faailoa ai e le minisita o faamaumauga ma faamatalaga faatatau i gasegase o ni faamaumauga patino i tagata ma e ao ona puipuia malu i se tulaga aupito maualuga.
Ua faailoa ai la e le Minisita ua ia ioeina le faia o lea iloiloga i le tulaga ua tulai mai ma ua faatulaga e tatau ona faatino lea iloiloga i le faaiuga o le masina nei.
O i latou ua osofa’ia faila ia i luga o upega tafailagi ua o latou faamata’u ane o le a liki pe faailoa faalauaitele faila e silia ma le 400 afe pe afai e le totogia atua le $60,000
Puna o Faamatalaga: https://www.rnz.co.nz/news/national/583207/government-orders-review-into-managemyhealth-data-breach
