O le tofa Namulauulu Nuualii Eteroa Lafaele, o se alo o Samoa ua ia ausia matāti’a i le matātā o loo galue ai o se tech expert poo tagata e lava le tomai i faiga faatekonolosi, na manumālōina le Tagata Talavou a Niu SIla mo le 2025, Young New Zealander of the Year 2025.
O lea faailoga taualoa ua faamanatu ai tulaga ma suiga tetele ua faatino i vaega e fitu ua faatulaga iai lea faailoga ma fili mai ai e faamasino i latou e faamanuiaina.
I le taimi o le koviti e pei ona lipotia e le RNZ, sa faatūina ai e Namulauulu le Digi Tautua o se taumafaiga e toe faafou ai ma toe fetuuna’i masini mo nai aiga e mana’omia ia auaunaga.
Mai le tolu tausaga ua tuana’i ua vaaia le avea ai foi o Namulauulu ma se tasi o co founder o le Fibre Fale o se tasi foi auaunaga e aga’i sa’o i le saunia o ni ālafua e maua ai fesoasoani tau tekonolosi mo komiuniti a le Pasefika.
Fai mai lea alo o le atunuu ua tele mea ua a’oina peitai e na te faalogoina e lei lava ma e fai lava ma manatu pe faapefea nai ona tagata.
Fai mai a ia o lana faatāua e ave i aiga, faamasinoga tonu ma le lumana’i.
Puna o Faamatalaga: https://www.rnz.co.nz/international/pacific-news/556310/our-people-deserve-the-best-eteroa-lafaele-young-new-zealander-of-the-year
