Ua faaopoopo pea le toatele o tagata Niu Sila ua iai i nofoaga taofia i Amerika pe o loo feagai foi ma faigata i tulaga tau femalagfaa’iga i totonu o Amerika talu mai le tausaga na tea nei.
Ua faailoa e le Leitio faavaomalo a Niu Sila ia faamaumauga e pei ona faailoa e le Matagaluega o le Va i Fafo ma fefaataua’iga.
O faamaumauga mai le fale pa’epa’e o loo ta’ua ai e silia i le 900 tagata Niu Sila ua ova aso i Amerika i le tausaga 2024, ma talu ona toe tulai mai Trump ua faaopoopo puipuiga i tuaoi e aofia ai ma le fa’aaogaina o masini ma le social media e sailia ai tagata ua ova aso i le atunuu.
O le upega tafailagi a le Matagaluega o le Va i Fafo o loo fautuaina ai tagata Niu Sila i Amerika ina ia faaeteete aemaise i mataupu tau le puipuiga ma le saogalemu.
O leisi faiga fou ua lipotia ua faia e Amerika e tatau ai i soo se tagata e malaga atu ona lesitala i leoleo Amerika pe afai e silia i le 30 aso e nofo ai i le atunuu.
Puna o Faamatalaga: https://www.rnz.co.nz/news/national/583451/record-number-of-new-zealanders-face-visa-troubles-in-united-states
