Ua faamaonia mai e Trump lona faatonuina o le Pentagon ina ia amata loa ona fuafuaina se gaioiga faamiliteli e faia ia Nigeria i le matāupu o loo aofia ai tagata Kerisiano o loo sauāina i lea itu o le lalolagi.
Fai mai le 9News ua mae’a ona lapata’i le Peresetene o le a ia taofi vave lava soo se fesoasoani o loo alu i Nigeria pe afai e faaauau pea e le faigāmalo a lea atunuu le fasiotia o tagata Kerisiano.
E lē gata i lea e ono aga’i atu le militeli a Amerika i lea atunuu i se tulaga faa’au’upegaina ma aveesea uma le ‘au faatupu faalavelave Isalama o loo iai ma afai ae faatino sa latou osofa’iga, o le a vave ma ogaoga e tai pei lava o le osofa’ia e i latou ia o nai tagata Kerisiano.
Sa faia le lapata’iga a Trump i le mae’a o faamatalaga a le Peresetene o Nigeria na faia i le po o le Aso Toona’i ua ia faaalia ai o le sa’olotoga tau tapua’iga ma le faatagaina o mea tutupu o se vaega autū o lo latou talitonuga ma o le a tumau pea lava ona faia faapea.
I totonu o Nigeria, pe ā ma le 220 miliona tagata o iai, o isi o Kerisiano ae o isi o tagata Musalemi.
Puna o Faamatalaga: https://www.9news.com.au/world/donald-trump-news-usa-nigeria-military-action-christian-persecution/557d974a-6085-4369-b017-69743e11b9b2
