Ua saunoa se tasi o sui sinia o le NATO o le a o latou tutū faatasi ma Ukraine se’ia oo lava i se aso e maua ai se filemu mo le atunuu.
O le faamatalaga lea na faia e Admiral Giuseppe Dragone i le BBC e uiga i le tulaga o iai Ukraine.
Fai mai le ta’ita’i’au lea i lona manatu, o le taua faaumiumi lea a Ukraine ma Lusia o se faia’ina tele mo Lusia ma o le a lē manuia taumafaiga a Putin.
Na fesiligia e le ‘autusitala poo nofo sauni atunuu Europa e faaauau pea le lagolago mo Ukraine i le itu tau le puipuiga, na tali Dragone o loo sauni ma e talitonu o se toe fafagu lea mo latou.
O le masina o Iuni o le tausaga nei na malilie ai sui uma o le NATO o le a siitia le tulaga o le puipuiga mo ona sui auai aemaise o le talosaga ane a le Peresetene o Amerika o Donald Trump ina ia faatino lea tulaga.
Puna o Faamatalaga: https://www.bbc.com/news/articles/czxng7kxnp9o
