Search
Texas Shooting

Na mua’i faailoa i se feau tusitusia a le alii talavou lana mea o le a fai

Māua i lipoti mai le faalavelave lea na tafana ai e se tama talavou ni tamaiti aoga ma nisi o faiaoga i se aoga tulagalua i Texas i le aso ananafi, e iai se teinetiti i Siamani sa muai text i ai le alii o Salvador Ramos ma faailoa i ai, lana gaioiga o le a fai.

O se faatalanoaga na faia e le CNN ma lea teine talavou 15 tausaga le matua, na faailoa ai e le teineititi, ua fai si tele o vaiaso talu ona amata faamasani ma le alii o Ramos. Sa faailoa e lenei alii i le teine talavou lona lē fiafia i lona grandmother i le faalavelave i lana telefoni “on the phone with AT&T abojt (sic) my phone.” “It’s annoying,” o isi ia upu o lana text.

E ono minute mulimuli ane, ae toe texted le alii o Ramos i le teine, “I just shot my grandma in her head,” isi sekone mulimuli ane ae toe lafo le isi text, “Ima go shoot up a(n) elementary school rn (right now).”

O le molimau a le teine talavou lea e nofo i Frankfurt i Siamani, o le aso 9 o Me na amata ai ona fai la talanoaga ma Ramos i luga o le social media app. Na la talanoa ma lafo e lenei alii ona ata video i le teine ma talanoa i se fuafuaga o le a fia agai i Europa e asiasi i le teine.
Na ta’u foi e le teine ua oo i le tulaga o aso uma lava ua la talanoa ai ma Ramos i luga o le FaceTime. Sa la talanoa foi i luga o le app o le Yubo ma fai la taaloga i luga o le app lea e fai ai le taaloga o le Plato. O le molimau a le teine, o na taimi uma sa ia matauina ai Ramos, o se alii e fiafia ma e sologa lelei lava la talanoaga. Sa tele lava ina fesilisili atu i lona olaga i Siamani.

E tai tutusa lava feau ia sa text e Ramos i le teine i Siamani, ma feau na tusia e Ramos i luga o le Facebook, e pei ona ta’ua e le Texas Gov. Greg Abbott.

O tusitusiga mulimuli lava na sa fai e Ramos lea na maua i suesuega, ma agai atu ai loa i le aoga tulagalua sa latalata ane, le Robb Elementary School, agai i totonu ma amata loa ona tafana solo i tamaiti aoga ma nisi o faiaoga sa iai i totonu o na potuaoga na uluai ulufale i ai Ramos.

E lei maliu le grandmother o le alii o Ramos, o loo iai pea i le falema’i. Ae o lona grandmother lea na muamua vilia le 911. E lei umi talu ona amata le gaioiga a lea tagata, ae toe vili foi e se isi le 911 ma lipoti i ai se taavale o loo lavea e latalata i le aoga tulagalua ma ta’u ane ai se tagata o loo agai i totonu o le faleaoga ma se fana.

E oo mai le taimi nei o le aofai pito lata mai o e ua maliliu i lenei faalavelave e to’a 21, e to’a 19 tamaitiaoga ma tagata matutua e to’atolu. O se aso faanoanoa mo nai mātua ua motusia faafuase’i le mafutaga ma fanau, aemaise foi le aoga tulagalua na afaina i lenei faalavelave mata’utia.

Ua maliu ai foi ma le alii na faapogaia le faalavelave, ina ua fana e se tasi o leoleo a o taumafai e faamuta nisi osofaiga atili a lenei tagata.

Tala sili ona faitaulia

Tala sili ona faitaulia

Tala sili ona faitaulia

Tala sili ona faitaulia

Tala sili ona faitaulia

WATCH LIVE NOW

Keep uptodate with Radio Samoa activity & promotion

* indicates required