E faitau selau tagata ua faavave ona aveesea mai se fale tele i Surfers Paradise ona o se afi na sasao ane i lea fale ma ua toatele ua aveina atu i le falemai mo togafitiga.
Fai mai ua tapunia le tele o magaala e agai atu i lea nofoaga ma o loo togafitia foi nisi tagata i le nofoaga lava lea e le aufaigaluega mai taavale a le falemai.
Fai mai lipoti o loo maua mai i lea faalavelave e talitonu nisi o le afi na amata sasao ane mai se nofoaga i totonu o le fale e lafoai iai otaota.
E iai lipoti ua ta’ua ai o nisi tagata e aofia ai tagata matutua pe ā ma le 60 pe sili atu laasaga o sitepu na o latou savalia ina ia mafai ai ona agai mai i fafo o lea fale ma ua lipotia na manunu’a ai ma nisi.
Fai mai o nisi o tagata e aumau i le fale lea e aofia ai tagata o loo agai atu mo tafaoga ma malologa ma i latou foi e aumau i lea faaitu.
O loo faia le suesuega i lea faalavelave.
