Nafanua II
Nafanua II

Momoli le Nafanua II i Ausetalia mo le toe faaleleia

Ua folau atu nei i se vaa tele poo se barge o loo tietie ai i luga le vaa leoleo o le Nafanua II ma le faamoemoe o loo momoli atu ai i Ausetalia i se nofoaga toso vaa e toe fonofono ai ona faaletonu. 

O le aafia ai o le vaa leoleo na mafua ina ua oso i luga o se ‘aau lata i le ava e ofi atu ai vaa i le uafu i Salelologa ma paulia ai.

O se taumafaiga o vaega o inisinia i vaega lavea’i i vaa i le sami e aafia ini tulaga faapea na latou faia le galuega ua mafai ai ona aveesea le Nafanua II lea na paulia mo le masina atoa.

E le’o iloa le tau o le galuega o le toe faaleleia o le pito i lalo o le vaa ua faaletonu ae o le itu mautinoa o le a toe faatupe e le Mālō o Ausetalia i lalo o lana polokalame fesoasoani o le puipuiga o atunuu o le  Pasefika lea na auala mai ai le foai o le vaa leoleo e 30 miliona tala Ausetalia.

O loo tālia foi le faamasinoga faaleoleo o le Alii Kapeteni ua molia faapea le sailiiliga a se komisi suesue o le a filifilia o le a iloa ai mafuaaga o lea faaletonu na tulai mai i le Aso 5 o Aukuso.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required