Ua mae’a tuuina atu upu faamanuia a lo tatou malo e ala atu i le Minisita o Taaloga ma Alaga’oa mo le Fiafia o tagata le afioga ia Laumatiamanu Ringo Purcell i le ausiisii uamea mamafa ua faamoemoe mo taaloga faavaomalo e iai le sailiga siamupini a le Oceania atoa ai ma le tauvaga e saili ai atunuu e ausia le tauva ai mo le Olimipeka o le a faia i Pale i Farani i le tausaga nei.
O ia taaloga o le a faia lea i Manukau Aukilani Niu Sila mai le aso 21 seia oo atu i le aso 25 o le masina nei.
E lei mamao atu nei na foi mai ai foi le ausiisii ma nisi o pine mai tauvaga sa feagai ai a le IWF lea sa faia i Doha ma Qatar.
O lea tauvaga sa tulaga ese ai le taumafaiga a Iuniara Siapaia ma Don Opeloge lea na manumalo Siapaia i le pine siliva ma le pine apamemea i le tauvaga a tamaitai i le 87 kilokalama ae o le alii o Don Opeloge lea na manumalo i le pine siliva ma ia faalēaogāina ai le matatia o le Malo Taupulega i le aupaga o le 216 kilokalama i le sii ma malolo.
