E toalua molimau o loo lipotia na o la vaatino i le faalavelave na tupu i le taeao analeila i le off ramp i Saddle Road i le Pacific Motorway i le itu i Matu o Niu Sa Uelese.
O le aveloli ua lipotia ua maliu ae fai mai molimau na taavalevale le loli ma mu ai a o agai ese ma le Pacific Motorway poo le ta o le 6 i le taeao analeila.
Na tamomoe atu molimau e laveai le aveloli peitai ua malosi le sasao ane a le afi i le vaega tonu sa iai ma iu ina maliu ai lava.
E oo mai i le taimi nei e lei faamautuina poo ai tonu sia tagata ua maliu ae o loo faatino ma suesuega a leoleo i le mafuaaga o le faalavelave.
