Ua molia se alii i le taupulepule e fasioti, feta’ua’ina le osofa’ia o se tamaitai i le faaitu o Adelaide i le aso ananafi.
Na valaau ane le fesoasoani faavavave i le mataupu lea i se tuatusi i Elizabeth Vale ina ua maua atu lipoti o se tamaitai ua osofa’i e le tagata ma ave atu ai i le falema’i poo le toe kuata i le 8 i le afiafi ananafi.
Fai mai e 28 tausaga o le tamaitai na faamanu’alia i se a’upega.
Na ta’ua i le 9News na sola ese le alii o loo tuua’ia i le faalavelave ae na toe maua e leoleo i se nofoaga e lata ane ma pu’e ai loa.
E 37 tausaga o lē na pu’eina ma ua molia i le taumafai e fasioti ma le tau faamata’u.
E le’i talosaga mo le tatala i tua ma o le asō e tula’i ai i le faamasinoga.
Puna o Faamatalaga: https://www.google.com/amp/s/amp.9news.com.au/article/617d7dbd-5bcc-489e-9874-3e23c6f50b9c
