Ua maua le tagata e toatasi lea ua molia i le faalavelave na lipotia atu foi i talafou muamua, sa gaoia ai se fale i Birkenhead e tagata na ofu atu ni hi vis vests a leoleo Niu Sila.

O le aso 13 o le masina na tea nei o Aperila na tupu ai le faalavelave lea ma faia ai suesuega a le ofisa o le CIB i Waitemata. 

Na faia sailiga agai atu i se fale i Manurewa ma pueina mai ai se alii e toatasi fai mai e 32 tausaga le matua na tulai i le faamasinoga i le faaiuga o le vaiaso i moliaga o le gaoi, ave faamalosi ma le teu faapei o se malu o le malo e pei ona lipotia e le One News. 

E toe tulai i luma o le faamasinoga i North Shore i le aso a taeao ae ua faailoa foi i lipoti a le Stuff o i latou na gaoia meatotino o nai tamaiti aoga faavaomalo.

Ua ta’ua mai o loo faaauau pea suesuega a leoleo i le sailia o le togina a leoleo sa faaaogaina i lenei osofaiga.