Ua faia se moliaga e le Immigration faasaga I se tasi o kamupani ua fetauaina le faaaoga faasolitulafono o tagata faigaluega ise nofoaga i Aukilani.
O le sui faaulu o le Immigration Stephen Vaughn na ia taua o le moliaga ua faia ile maea ai o se asiasiga I le nofoaga lea ile masina o Mati.
O le asiasiga lea nailoaai e toa10 alii mai Saina o loo galulue faasolitulafono I NIu Sila nei ma ua soliaai aiaiga o o latou visa. E le o faailoaina le kamupani ae ole moliaga e faasaga ile pulega o le kamupani lea ma le faataga o tagata e faigaluega ae le o agavaa I lea tulaga.
Afai e faamaonia moliaga I lalo o le tulafono o femalagaaiga, e ono oo atu I le10 afe se faasalaga tupe e tuuina I le kamupani poo le employer o loo aofia I lea mataupu. Fai mai le pule o le Immigration NZ Geoff Scott I le One News o alii ia e toa 10 na pueina ma feagai ma le toe tipoti ese ma le atunuu.
O le aso 24 o Iuni ua fuafua e tulai ai le employer I luma o le faamasinoga faaitumalo I Waitakere.
