O se alii mai Otautahi i Kalaiesetete lea ua lipotia ua molia i se tulaga ua ta’ua o se Lotto faasolitulafono ua maua nei i totonu o Aotearoa.

O se suesuega na faia a le Matagaluega o mataupu faalotoifale Internal Affairs o loo lipotia i le Newshub na maua ai le tagata lea ma lana kamupani o loo feta’ua’ina o le latou tupe maua mai le faagaioia o lea ituaiga taaloga faasolitulafono e $11,125,500 i le silia laititi ma le tausaga.

Fai mai latou te faataua tickets online i tagata i Niu Sila ma ofo iai faailoga tupe, taavale taugata ma vaa aemaise fale.

Ua molia le alii lea i moliaga tau peletupe faasolitulafono ma sa faia ia moliaga i le Faamasinoga Faaitumalo i Kalaiesetete i le vaiaso nei.

Fai mai le ofisa e matuai o latou lē faatagaina soo se tasi e saili ni ana polofiti e ala i le lē usitaia o tulafono.

Puna o Faamatalaga: https://www.newshub.co.nz/home/new-zealand/2024/05/christchurch-company-man-charged-after-allegedly-making-more-than-11m-in-biggest-illegal-lottery-discovered-in-new-zealand.html