Ua ave e leoleo le alii e toatasi e fesootai ma laau malosi faapāpā lea na tulai mai i Queen Street i le lua vaiaso talu ai, ma e lē o Darius Talagi.
E lē tasi se fale i Aukilani na oo iai sailiiliga a leoleo ananafi e su’e ai Talagi ma ana kegi e pei ona iai i Magele, Manurewa, Manukau faapea Papakura peitai e lei maua lava Talagi ae na o le isi alii e 32 tausaga lea ua molia i le umia faasolitulafono o ututau.
O Talagi e 24 tausaga le matua, e lē tasi se moliaga o loo tuuaia ai e aofia ai ma le fasioti tagata ma e le gata o loo fia maua Talagi ae faapea ai foi ma le taavale BMW, o le laisene KLU568 e masalomia o loo i Northland.
O loo faaauau pea suesuega a leoleo i le mataupu lenei lea ua uma ai le ola o le toatasi a o iai i le falemai e mafua mai i manu’aga tuga.
