Ua ave le faafetai a le matagaluega o leoleo, falepuipui ma le toe fuataina ia i latou, le mamalu o le atunuu i Savaii sa latou logoina leoleo i le gaioiga a se alii avepasi sa faatino lana galuega ma faatau ai ma nakoti poo fualaau faasāina.
Ua faailoa e leoleo i le latou itulau i le fesootaiga i luga o le api o foliga le facebook, na logo tala loa le ofisa o leoleo i Tuasivi faatino loa le galuega ma faapena ona taofi le pasi, ma saili loa le avepasi.
Na maua o ia umia ni laau faasāina o le maruana ma ni taga pepa iila o loo iai totonu le aisa.
O le mae’a o ia sailiiliga na ave ai loa le avepasi 30 tausaga le matua ma taofia i le ofisa o leoleo i Tuasivi mo suesuega atili.
Ua aumai ai ma le fautuaga malosi a leoleo i le atunuu, a e silasila ane pe e te mautinoa foi ni faamatalaga ia i latou o loo faia le solitulafono o le tulei ma faatau atu fualaau faasāina, ia logo loa le matagaluega o leoleo.
