E 27 tausaga o se alii ua molia nei i le talepe fale, e pei ona aafia ai le ofisa o le tama’ita’i faipule ma le minisita o Judith Collins.
Faamauina o le ofisa a le tama’ita’i minisita i Great South Road.
O le mea mata’utia i lea matāupu, o le māfua’aga na lavea ai lea alii.
I faamatalaga e faapea, na valaau ane leoleo e sui o le vaega o fesoasoani muamua na o latou maua ane lea alii o loo savali i luga o le auala poo le ‘afa o le itula e 1 i le vaveao, o loo iai manu’aga i lona tino.
O lea na avatu ai loa o ia i le falema’i mo togafitiga.
Sa fesiligia e leoleo le talavou, i le māfua’aga ua lavea ai; na tali le alii na maua ona manu’a i lona taumafai e talepe le ofisa o le sui faipule a Papakura.
Faamaonia o lea ua faatino su’esu’ega faapitoa poo le forensic examination i le ofisa a le tama’ita’i minisita.
O le asō e tula’i ai lē ua molia i le Faamasinoaga Faaitumalo a Manukau e tali i lona moliaga o le talepe fale.
E faamauina i lipoti, e lē o le taimi muamua lea ua aafia ai lea ofisa, e pei ona ta’ua sa faaleagaina uma ina ua asu iai ni apa vali a o faatino ai se tasi o solo tetee i luma a’e o le ofisa.
E lē o mailoa pe faafefea tonu ona aafia lē na faia le soligatulafono.
Poo iai foi nisi ua masalomia i lenei matāupu, ae pau le mea mautinoa, ua alu lea alii e tali i ona moliaga ma ona manu’aga.
Puna o Faamatalaga: https://www.1news.co.nz/2025/11/04/man-charged-after-alleged-burglary-at-mp-judith-collins-office/
