Ua molia i le fasioti tagata se tasi alii ona o le maliu ai o se isi foi alii i Wollongong i le itu i Saute o Sini i le amataga o le vaiaso.
Fai mai leoleo na valaau ane i latou mo se fesoasoani i se kapaka i Station St i Wollongong poo le te’a o le fitu i le taeao ananafi ma maua atu iai le tino maliu o se tamā e 68 tausaga ae pu’eina mai ai e leoleo se isi alii e 37 tausaga mai Wollongong lava poo le te’a o le ‘afa o le 10 i le taeao.
Na avatu i le ofisa o leoleo ma molia ai le fasioti tagata.
Na teena le tatala i tua ma sa tatau ona tulai i le faamasinoga i le asō.
Sa tapunia ai le nofoaga na tupu ai le faalavelave a o faasolo suesuega a leoleo.
Puna o Faamatalaga: https://7news.com.au/news/man-charged-with-murder-after-body-found-in-train-station-stairwell-c-14644337
