O se alii mai Kalaiesetete lea ua molia i le faaaoga sese o le silia ma le 200 afe o tupe maua mai faaputugatupe poo funding ma e 58 moliaga ua faia faasaga ia te ia i le mae’a ai o le suesuega na faatino e le Matagaluega o mataupu faalotoifale, le Internal Affairs.
Ta’ua e le One News o lea alii sa aofia i taaloga faitupe ma taaloga foi i komiuniti ma ia maua ai se vaegatupe e $202.341 mai faalapotopotoga o taaloga e ala i lona tuuina iai o ni quotes sese ma le lē faaaogaina o le tupe i nisi o fuafuaga e le faatagaina.
O moliaga e aofia ai le lē faamaoni e aofia ai le fosi o le saini ma le gaoi.
Fai mai le faatonu o mataupu tau taaloga faitupe i le matagaluega o le Internal Affairs, Dave Robson, o penefiti ia e tatau ona maua e le komiuniti.
Ua toe tatala i tua lea alii ae tatau ona tulai i le faamasinoga i le aso 12 o Iulai o le tausaga nei lava.
