O se alii mai Kuiniselani lea ua molia e leoleo ina ua maua iai le tusa male $1.1miliona o le tau o le kiso sa ia gaoia i totonu o le 12 masina.
Ua feta’ua’ina o lea alii e 48 tausaga le matua sa ia faaaogā fuel cards sa ia gaoia e pamu ane ai le kiso mai nofoaga o diesel depots i Brisbane ma Ipswich i le va o Tesema 2024 ma Tesema 2025.
Na pu’eina e leoleo ina ua faia se sa’iliga i lona fale i Greenbank i Logan.
E tele moliaga o loo feagai ma ia ma ua toe faamanino atili ai e leoleo i tagata le ogaoga o le soligatulafono lea o le gaoia o suāuu e lē afaina poo le ā le tele.
Fai mai leoleo e tusa pe na o le tasi le kalone, ae o le gaoia o ia oloa e ono ave ai oe i le faamasinoga.
O loo taofia i le vaaiga a leoleo si alii lea e toe tula’i i le faamasinoga i le aso 15 o Me.
Puna o Faamatalaga: https://www.9news.com.au/national/queensland-news-man-charged-over-million-dollar-diesel-fuel-theft/283c9ae1-c262-4f7a-aedd-4887e1c8c911
