E fai lava si maualalo o le faatulagana o Niu Sila faatusa I isi atunuu o le OECD, poo le Organization for Economic Cooperation and Development.

O lea ua faatalosaga se tasi o kulupu o loo tutu malosi mo gasegase ua maua I le kanesa ma isi gasegase tuga agai I pati faapolokiki e faaluaina tupe o loo ave ma le Pharmac.

I le maitau a le kulupu lenei ua taua o le Patient Voice Aotearoa, e na o Niu Sila le atunuu e iai lana lisi faatalitali mo vailaau o loo moomia le faatupe ona e le o faatupeina e le Pharmac, ma ua fai mai ai le sui o le kulupu ua tatau ona ave se isi $400 miliona faaopoopo I le tausaga agai I le Pharmac.

O se luma foi le faatulagana o Niu Sila lea o loo tu mai ai I le lona 32 o le 32 o atunuu.

Peitai, o se finau e le o faamaonia e le minisita o le soifua maloloina Dr Ayesha Verrall, e pei ona ia saunoa ai e le o iai ni faamaumauga e lagolagoina ai.