E tumau pea le malosi o Samoa e lagolago le tāua o aiātatau a tagata soifua uma i le atunuu e pei ona iai le tautinoga faavaomalo o aiātatau o tagata soifua na faamauina i le tausaga e 1948.
O le finagalo lea o le taitai o le malo le afioga i le tamaitai Palemia i lana saunoaga i le aso faamanatu o aiātatau o tagata o le lalolagi na pa’ū tonu i le Aso Toonai na tea nei le aso 10 o Tesema.
O se vaega lenei o lea saunoaga i luga o auala o fesootaiga a le Malo.
Le afioga i le tamaitai Palemia afioga Fiame Naomi Mataafa i se vaega o lana saunoaga i le aso faamanatu faavaomalo e faatāua ai aiātatau o tagata soifua uma o le lalolagi e aofia ai ma Samoa.
