E faitau selau apainu, energy drinks o loo matuai malosi ai le caffeine ua aveesea nei mo suesuega i le faaitu o Ausetalia i Saute poo South Australia.
Fai mai sui mai le soifua maloloina i le faaitu lea e 18 pisinisi na maua o loo faatauina ia vaiinu e lē tatau ona faaaogāina.
Na tuuina loa iai ma tusi lapatai i le 13 o pisinisi ia ma faasala isi e totogi sala tupe.
I lalo o le tulafono le Australia NZ Food Standards Code, e solitulafono le faatauina o energy drinks e aofia ai le silia ma le 320 milikalama o le caffeine.
Fai mai le soifua maloloina o isi vaiinu e pei o le GFuel, Bang ma le Raze Energy o loo aofia ai le 300 milikalama o le caffeine, lona uiga e tali tutusa ma le inuina o ni apainu CocaCola se 9.
Puna o Faamatalaga: https://www.9news.com.au/national/energy-drinks-illegal-levels-of-caffeine-marketed-to-children-south-australia/6fe4b49c-d7a2-4f83-8370-3650c570aded
