O se tasi o matafaga taatele i Sini na maua iai tino maliliu o alii faifaiva e toalua fai mai poo le 11 i le taeao ananafi na valaau ane ai le fesoasoani faavavave i lea nofoaga i Little Bay Beach ma maua ai e leoleo tino maliliu ia fai mai na maua muamua le isi e lata i le vaega e iai maa ae maua le isi i le 90 minute mulimuli ane.
Fai mai sa maua e se tasi na agai ane i le faaitu lea ni aitema ma vili ai loa leoleo ma i’u ina maua ai ma ni tino maliliu ia e toalua.
Ua faamauina o le matafaga lea e fai si lamatia ai o soifua pe a agai mo se faiva ma ua atoa ai le toavalu ua maliliu i lea nofoaga talu mai le 2001.
O loo faaauau suesuega i lenei faalavelave.
Puna o Faamatalaga: https://www.9news.com.au/national/little-bay-sydney-bodies-found-on-rocks/d8757f88-860f-4587-bb71-15ae0fa5b026
