Ua feta’ua’ina mai le silia ma le ‘afa tone le mamafa o le fulaau faasāina o le cocaine na ave ane faanana e ni alii se toatolu i western australia poo ausetalia i sisifo faaaoga ai se vaa.

Ua faailoa e le Australian Federal Police o le toatolu lea na o latou faatauina se vaa ina ia koleti ai le uta tele lea o afifi o cocaine na avane e se vaa ma tuu ai i gataifale o le setete.

Fai mai na mafua ona maua ona ua logo e se tasi leoleo e faatatau i se vaa o loo masalomia i le faaitu lea na agai ane iai.

Na maua ai foi e leoleo ma se vaa, ni taavale se lua ma le pe ā ma le 30 afe o tupe.

O i latou ua molia e 49, 32 ma le 29 tausaga le matutua ma ua fuafua e tutulai i le faamasinoga i Perth i le masina fou.