Ua maua le tino maliu o le tamaititi aoga lea na leiloa i Northland i le taimi na mamafa mai ai timuga ananafi ae o loo alu le malaga a le aoga.
O fanau aoga a le Whangarei Boys High School e faapea sa alu ai se latou faamalositino i le Abbey Caves e latalata i Whangarei ananafi i le taeao.
O le tea o le 10 lea na amata sue mai ai ma e faatoa maua anapo.
I lipoti e faapea na ta e lologa le alii aoga.
E to’a 17 faatasi le aofai o le kulupu na o e aofia ai ma tagata matutua e toalua.
I se imeli mai le aoga ananafi agai i mātua o loo faamalamalama ai o le outdoor education na faamoemoe o le rock climbing peitai na toe sui tonu e o agai i le ana ona o le loulouā o le tau.
Ua sau ai foi ma le fesili pe na faafefea ona taunuu lenei polokalame faaleaoaoga ae o lea lava na sau lapataiga o uiga loulouā o le tau mo Northland i le po o le Aso Gafua.
