Ua molia nei e leoleo se ali’i 38 tausaga le matua i le moliaga o le fasioti tagata ma le loto iai (murder) i le maliu ai o se tama’ita’i na maua lona tino i se tasi o fale mautotogi poo se apartment.
Faamauina i lipoti, na maua le tino maliu a lē ua fano le ola poo le 5 minute e te’a ai le ‘afa o le itula o le 7 i le afiafi o le Aso Toona’i, o le vaiaso talu ai.
Ta’ua i lipoti e iloa e lē ua aafia i le tulafono lē ua maliu, ma o le a tula’i o ia i luma o le Faamasinoga Faaitumalo o Aukilani i le asō.
Ua talosagaina e leoleo le fesoasoani a le mamalu lautele mo ni faamatalaga e tusa ma le matāupu.
Puna o Faamatalaga: https://www.rnz.co.nz/news/national/577532/man-charged-with-murder-after-woman-found-dead-in-auckland-apartment
