O lea ua pue e leoleo se alii ma molia i le faalavelave na maliu ai le tagata mai Dunedin o Gurjit Singh i le faaiuga o le masina na tea nei.
O se alii e 33 tausaga na pueina i le taeao analeila ma o le a tulai i le faamasinoga i le asō e molia i le maliu o Singh.
O le faamatalaga lea mai leoleo ae na maua atu le tinomaliu o Singh i lona fale i Pine Hill i le Aso Gafua talu ai ma e lei mailoa i lea taimi le mafuaaga o lona maliu.
E toatele le ausuesue sa galulue i le suesueina o le mataupu lenei ma o loo faaauau pea.
Na faafetaia foi e leoleo le atunuu i le fesoasoani atu ma tuuina atu o faamatalaga ua fesoasoani tele i le suesuega.
Na ta’ua e leoleo o loo iai pea le tamā o lē ua maliu i Dunedin ma o loo fesoasoani iai leoleo ma nisi o tagata mai le Punjabi community.
O nisi lipoti ua ta’ua ai e lei leva ona move in Singh i le fale lea na maua iai ua maliu, ma o si ona toalua sa faatulaga e faatoa taunuu mai i le atunuu i le amataga o le masina nei.
O loo tālia se isi lipoti lata mai o lenei mataupu.
