E eseese finagalo faaalia o le atunuu i le tala faatatau o le tupe i le vaiaso nei ae o nisi o ofisa e feagai ma auaunaga tau fesoasoani i tagata ua o latou faailoa o tupe ua faaagaga ane mo fesoasoani i tulaga ia o le a avea o se fesoasoani i tamaiti ma nai o latou aiga peitai e manaomia ni fesoasoani mautu i tulaga faapea.
O le faatonu o le Save the Children o Jacqui Southey na ia ta’ua i le lipoti a le leitio faavaomalo a Niu Sila e na te faafetaia le taumafaiga e saunia ni fesoasoani ma inivesi i tamaiti ma o latou aiga aemaise lava i fesoasoani tau tupe i tulaga tau fale, auala o femalagaaiga lautele ma le maua fua o talavai. Fai mai Southey e ui e le foia uma ai faafitauli o feagai ma aiga i le taimi nei ae lelei tele le iai o ni fesoasoani mo nai aiga.
I le tala o le tupe e le o aofia ai nisi faamatalaga e faatatau i se siitaga i fesoasoani i tupe maua mo i latou e itiiti tupe maua.
E silia ma le 200 faalapotopotoga o auaunaga ia, social services organisation o loo avea ma sui o le Social Service Providers Te Pai Ora o Aotearoa (SSPA).
