O le tamaitai Niu Sila o Lydia Ko lea ua manumalo i se tasi o faailoga aupito i tele o le taaloga tapolo le CME Group Tour Championships i Florida i Amerika.
O Lydia o loo Numera 3 nei i le lalolagi i le taaloga ma ua ia manumaloina le 2 miliona tala Amerika tusa lea ma le 3.25miliona tala Niu Sila mai lea taamilosaga, fai mai o le faailoga aupito i tele lea o se taamilosaga a tamaitai.
O le tamaitai mai Aialani o Leona Maguire na o la tausinio i le round mulimuli o le taamilosaga e sailia ai le siamupini ma iu ina manumao ai Lydia.
O le faatolu ai lea ona ia manumaloina le LPGA Tour race ma o le maua o le faailoga tupe lea ua oo atu ai i le silia ma le 4.3 miliona tala Amerika le tupe ua ia maua i le season lenei ma o ia foi ua manumalo i le Vare Trophy mo le lua tausaga sosoo, o se tasi foi o Ipu tāua i le taamilosaga tapolo.
