Ua faamaonia mai nei le mae’a faatino ai o se galuega tele, o se osofa’iga a le auaunaga o leoleo na faatautaia i Greymouth ma South Westland.
O se galuega tele o loo taula’i i soligatulafono tau i ‘au’upega mata’utia ma le tele o gaioiga faasolitulafono e ‘au’aufaatasi ai le to’atele.
O lea galuega na galulue faatasi ai le vaega o le Armed Offenders Squad, poo sui o le auaunaga ua faa’au’upegaina ma sui o faaitu o le West Coast ma faaitumalo o Tasman.
Mai nei osofa’iga na pu’e faapagota ai se alii 35 tausaga le matua, ma o le a tula’i i luma o le Faamasinoga Faaitumalo o Greymouth e tali i ona moliaga.
O moliaga e aofia ai le umiaina o fualaau faasāina o le ‘aisa poo le methamphetamine ma le agaga e faatauina ma tufatufaina atu i tua, ma le umaina faasolitulafono o ‘au’upega ma ututau, ma lona umiaina o fualaau faasāina o loo faatulaga i lalo o le – Class B controlled drug (MDMA).
Faamauina i sa’ili’iliga a leoleo, na o latou mauaina ni meafaigaluega mo le gaosia ai o pauta faasāina, o le tinoitupe e $1850 o ‘aisa, o ni fana se lua, o ututau.
Puna o Faamatalaga: https://www.police.govt.nz/news/release/police-find-haul-illegal-firearms-drugs-and-cash-tasman-operation
