Ua iai nisi faamaumauga faalilolilo ua faailoa ai le mea moni e faatatau i le galuega a le au tusipaka a le Sydney Council.

E toatele le au avetaavale e masalosalo e iai se aofaiga e tatau ona faamalieina pe ausia e le au tusipaka i le aso ma ua ta’ua i le lipoti a le 7News ua iai nei ni faamaumauga faalilolilo a le City of Sydney ua liki mai i tua ma ua atagia ai le luitau o loo tuuina foi i inspectors a le Council ina ia tuuina ai faasalaga i avetaavale e laa i tua ma le laina pe lē usitaia foi le tulafono o le pakaina o taavale.

O faamaumauga ua maua e le 7News ua faaigoa Parking Ranger Goals ma e 143 soligatulafono e filifiili mai ai e aofia ai le tu i tafatafa ane o se pusameli, fire hydrant poo se nofoaga faalenatura atoa ai ma le lē lelei o le faapakaina o le taavale i le drive way o lou lava fale e faasala ai oe i le 283 tala Ausetalia.

I se pepa o faamatalaga mai le Council e pei ona aofia i le lipoti a le 7News ua ta’ua ai e leai se quota poo se aofaiga e tatau ona faamalieina e le ranger poo le tusipaka peitai na o latou ta’ua e iai a latou targets poo se aofaiga e taulai iai i totonu o le masina.

E toeitiiti 13.5 miliona na aoina mai faasalaga o taavale i Paramatta i totonu o le 18 masina.