O loo masalomia nei se alii faifaiva Hawkes Bay, i lona lafoa’i poo lona tia’i ai o le figota o le pāua i le sami i gatai lava o le matāfaga o le Blackhead Beach, a o faasolo ai se iloiloga a leoleo, e tusa ai ma le tulafono faatonutonu o le Fisheries Act.
I lipoti e faapea na sola ese lē o loo aafia, ae taofia ai loa e leoleo lana taavale.
A o faatino sa’ili’iliga a leoleo i lana taavale, na maua ai se laau malosi poo se fana i lona ituaiga o le pistol ma ni ututau.
Na maua lea alii ma pu’e faapagota, ma ua molia i lona faia ai o gaioiga e faalavelaveina ai le galuega a leoleo ma lona umia faasolitulafono ai o se laau malosi ma ni ututau – arrested for obstruction and charged with unlawful possession of a firearm and ammunition.
Māua le ono iai o nisi o moliaga tau faigāfaiva e ala atu i le vaega o le Ministry for Primary Industries (MPI), i le mae’a faamautūina o le numera o pāua na fagotaina e lea tagata.
Puna o Faamatalaga: https://www.1news.co.nz/2025/11/06/gun-allegedly-found-after-fisher-dumps-paua-during-police-inspection/
