O se tala fiafia mo Samoa ma Niu Sila nei, le amana’ia ai o se tasi o alo o le atunuu, o Henry Onesemo, i tulaga faavaomalo.
O Henry Onesemo o se alii kuka iloga i totonu o Niu Sila ma atunuu i fafo, o lē na te pulea faatasi ma si ona aiga le fale’aiga ua lauiloa i Aotearoa ua ta’ua o le Tala Restaurant.
O le faatasiga taualoa, o le tufatufa faailoga taualoa mo ‘aukuka – The Best Chef Awards na faatautaia i Milan i Italia.
Ma i le amana’ia ai o Henry, ua avea ai o ia ma ulua’i tagata kuka Samoa, first Samoan Chef, ua mauaina le faailoga taualoa i lea faatasiga faavaomalo.
Faaalia e Onesemo o se mitamitaga tele le mafai ona faaali atu lona faasinomaga Samoa e ala i ana kuka eseese.
Ma o lea tulaga ua vaaia ai le oo atu o Samoa i tulaga faavaomalo i lenei tomai o le kuka.
Puna o Faamatalaga: https://www.nzherald.co.nz/nz/samoan-chef-puts-auckland-restaurant-on-the-world-map-with-milan-award/
