Na manuia faataitaiga a le National Emergency Management Agency sa faia i le po anapo.
O le tea o le itula e ono i le afiafi ananafi lea na sau ai le feau tusitusia i luga o telefoni feaveai ma i saunoaga a le faatonusili o le pulega, John Price o lea na manuia faataitaiga e ala i le maua uma e i latou e silia ma le 90% tagata Niu Sila na oo iai.
E 5 i le 6 miliona telefoni feaveai na oo iai le feau ae ese ai se vaega o tagata e lei oo iai masalo o le leai o se service pe sa tapē foi le telefoni.
O le faataitaiga anapo o le lona lima ai lea o faataitaiga i totonu o le tausaga sa faia faapitoa mo taimi e ono oo mai ai se faalavelave faafuasei.
