E manatua e tagata Ueligitone faapea aiga, uo ma ē masani nai tamā e toalima ua ma’umau soifua ona o le mu o le Loafers Lodge.
O le sauniga anapo na faia ai i le Cathedral of St Paul i Ueligitone ma e le gata i sui o aiga ma le toatele o uo ae o lea foi na iai ma le pulenuu o le aai, Tory Whanau faapea sui o le ofisa o leoleo ma le tineimu.
O lea ua tasi le masina talu ona uma le mu ma o se sauniga faamanatu e lei faigofie i le toatele o aiga.
O le talosaga e tauala mai i taimi o molimau, ia avea le ma’umau o soifua o nai tamā e toalima ua motusia faafuasei mafutaga ma lesona ma ua moomia vave suiga.
O le molimau a se tasi i tala a le Stuff ma o se tasi foi sa nofo muamua i le Loafers Lodge, ua avea le mu ua maua ai sona fale i fale a le Kainga Ora.
