Ua faailoa se finagalo o se tasi o asosi o faufautua i mataupu tau femalagaa’iga o le immigration adviser association ua ta’ua ai o tulafono tau femalagaa’iga a Niu Sila ua fai si lusi ma e manaomia ona aogā ma laugatasia ai tagata uma.
O le vaega faaupufai a le National, ACT ma le Leipa na o latou faalauiloa faiga faavae o loo taulai ai i mātua na malaga mai i Niu Sila ma mātua o mātua ae o le Leipa ua o latou folafola se amnesty poo se mapusaga foi mo tagata ua ova aso i le atunuu ma ua silia foi ma le 10 tausaga o iai.
O le NZ Association for Migration Investment le NZAMI ma lona taitaifono o Arunima Dhingara o loo ia finau o suiga fai soo i faiga faavae a le immigration, ua tuuitiitia ai le auga tonu na faatuina ai ia faiga faavae.
Na ia ta’ua afai e lē consistent pe faatumauina, o le a leai lava se aogā o tulafono ia tau femalagaa’iga.
O le folafolaga a le Leipa e pei ona lipotia e le One News ua ta’ua ai afai ae malo i le palota o le a maua le amnesty lea mo tagata ua ova aso i le atunuu ae ua silia ma le tai 10 tausaga i Niu Sila nei.
