O loo mana’o Isaraelu e faia ni faatalanoaga ma Lepanona aemaise ona o le taua ma le Hezbollah o loo iai se faamata’u i le maliliega ua faia ma Amerika ma Iran lea ua taofia ai nei fetauiga mo le lua vaiaso a o tālia talanoaga.
Fai mai le Palemia o Isaraelu i le CNN e lē taofia osofa’iga i Lepanona a o ia sa’ilia ai se avanoa o talanoaga ma Lepanona peita’i ua faailoa e se tasi sui mai Lepanona i le CNN, e lē taitai faatalanoa e lo latou atunuu se matāupu a o osofa’ia.
Ua faailoa foi e sui o Lepanona e le’i iai se valaaulia aloa’ia mai ia Isaraelu mo ni talanoaga.
O loo manino foi le lapata’iga mai ia Amerika ina ia faatumau pea ona tatala le Strait of Hormuz mo le feoa’iga o vaa ae taofia foi ma a latou osofa’iga ia Iran.
O isi lipoti i le asō ua upuia ai e Trump le faafoeina e Iran o le matāupu e faatatau i le faagasologa o faigāmalaga a vaa i le Strait of Hormuz, fai mai Trump e lē o le maliega lea na o latou faia.
O le faai’uga o le vaiaso nei talanoaga i Pakistan a sui o Amerika ma Iran pe ono faatulaga ai se isi maliega umi pe tumau foi ma ia taofia ai taua i lea itu o le lalolagi.
Puna o Faamatalaga: https://edition.cnn.com/world
