O loo faatalosaga pea le komiuniti Fiti-Initia I le malo o Niu Sila ia aloaia I latou o tagata Pasefika
O le vaiaso nei e atoa iai le 142 tausaga talu ona auina atu e Peretania tagata Initia I Fiti e galulue ai I toaga suka, ma ua toe lagona ai leo o nei tagatanuu o loo aumau I Niu Sila ina ia mafai ona omai I lalo o le li’o o tagata Pasefika
O le le mafai ona taua o I latou nei o ni tagata Pasefika ua le saofaga ai I fesoasoani tupe mai le malo o loo faamatuu mai mo tagata Pasefika
Ua tali mai ai ma le matagaluega o tagata Pasefika, o loo silasila nei I lea mataupu ma o loo galulue nei ma le ofisa ua taua o Ethnic Communities
I le taimi nei o tagata Fiti-Initia e le o mafai ona taua o ni tagata Pasefika I le faatulagana o tagatanuu a le matagaluega o tagata Pasefika
