Ua moomia le tuuina atu o le malosiaga i sikulati latou te taofia ai tagata gaoi o loo gaoia faleoloa.
A o faatupulaia le toatele o tagata gaoi o loo osofaia supamaketi, o le manaoga lea o le Asosi o Sikulati ina ia mafai ona fesoasoani sikulati i le tapueina ma taofia.
E faamaonia mai e le Retail NZ i tala a le Newshub o le toatele o tagata gaoi ua pei o le mea fua lava le faatumu o le kololi ma savavali ese ma le faleoloa e le totogia le faatau.
E toatele sikulati ua molimau i le fia fesoasoani e taofi tagata gaoi, peitai e le mafai ona o le tulafono.
Ua avea ai ma mafuaaga o le sau o faatonuga mai tagata gaoi e le mafai ona pa’i atu le sikulati ia i latou.
A o talosaga mai ai le asosi o sikulati, ae o le tali mai le matagaluega o faamasinoga e le o se mataupu na laga muamua mai e le Private Security Personnel Licensing Authority ma e le o iai foi se iloiloga o taoto i le taimi nei.
