Fai mai nisi aoga o le polokalame e saunia ai lunch a tamaiti e faatupe e le malo ua avea o se vaafaaola mo latou peitai e lē mailoa le lumanai o lea polokalame pe a mae’a i le tausaga fou.
O faamaumauga a le Treasury e pei ona faailoa e le One News ua iloa ai le pa’ū o le lagolago mo le faaaauauina o le Ka Ora, Ka Ako programme lea na amata faalauiloa i le fā tausaga talu ai.
O se lipoti mai le minisita o tupe o Grant Robertson na ia faailoa ai e leai se aafiaga o le polokalame lea i le aofai o tamaiti e agai atu i le aoga i aso taitasi aemaise e lei lelei ai le faalogo ma le fia auai o tamaiti Maoli i vasega.
Ua faailoa i le lipoti le toatele o aiga o loo feagai ma faigata i tulaga tau tupe ma ua siitia foi le tau o taumafa aemaise lava i fruits ma veges o loo aofia i lunches a le fanau.
E tele aoga o loo faailoa le naunautaiga talosia ia aua ne’i faamutaina lea faiga peitai ua mae’a ona faatulaga lona aveeseina ona o le manatu o le malo o le a ofoina mai se isi faiga e tali tutusa lava foi lo la tāua.
