E pei lava o Niu Sila i le po anapo, na manuia foi le taumafaiga a Ausetalia i lana uluai taaloga o le Ipu o le lalolagi i le soka a tamaitai.

O le Matildas a Ausetalia na fetaui ma le ‘au malosi mai Aialani.

Sa tau iai se faaletonu ina ua faailoa i se taimi ua lata i le taaloga ua lē mafai ona taalo le tamaitai iloga a Ausetalia o Sam Kerr ona o manu’aga peitai na faatino foi le tiute o lē sa avea ma kapeteni o Steph Catley ma le ‘au atoa i le faamautuina o le manumalo.

O Catley foi lea na kikiina le sikoa mo le Matildas ma e ui i le toe malosi ane o le finau a Aialani i le ‘afa mulimuli o le taaloga peitai sa mau pea le puipuiga e Ausetalia o le latou ‘ai ma o le iuga o le taaloga Ausetalia 1 Aialani e leai.

O le isi taaloga e sosoo ai le Matildas e fetaui ai ma Nigeria i le Suncorp stadium i le aso 27 o Iulai.