E na o le 18 tausaga o se teine talavou ua lipotia mai ua maliu i le faalavelave tau taavale na tupu i le itu i Saute Sisifo o Sini i le po anapo.
Fai mai le 9News na valaau ane leoleo i Horsley Drive i Wetherill Park ina ua maua lipoti o se taavale ua agai ese ma le alatele ma feto’ai ai ma se laau poo le te’a o le 11 i le po anapo.
O le avetaavale o le teine talavou 18 tausaga e pei ona ta’ua na maliu ai lava i lea nofoaga.
Na togafitia e paramedics pasese e toafā sa iai i le taavale ae lē tugā manu’aga ma ave ai loa i le falemai i Liverpool ma Westmead.
O loo faia le suesuega i le taimi nei i le mafuaaga o le faalavelave ma saunia foi se lipoti mo le coroner.
Puna o Faamatalaga: https://www.9news.com.au/national/teenager-killed-four-others-injured-after-crash-in-sydneys-southwest/798dbcf2-50fd-4116-90b9-027fffd6be5d
