Ua lipotia mai le maliu ai o se tagata i se faalavelave tau taavale na tula’i mai i Great South Road Epsom.
Ua faamauina na faanatinati atu le auaunaga o faalavelave faafuase’i, Emergency Services e tali atu i le valaau, ma e ta’ua e ui i taumafaiga a le auaunaga mo lē na lavea ma aafia, ae na maliu lava o ia i lea nofoaga.
Na molimauina le tapunia o auala i le va o Market Road ma Cornwall Park Avenue, talu ai lea lavea mata’utia.
Na faamatala e molimau, le saoasaoa tele o le alu o le taavale ma vaaia ai le tifa o le taavale so’a le pā a se lotoā e lata ane i se falesā.
E faapea le molimau, o le masau o le taavale na vaaia ai le lele i le ea ma pa’ū atu i se ‘autu.
Ta’ua na fai lava sina umi o taumafai vaega o le tineimū e aumai i fafo se tagata mai le taavale, ona o le faigatā o tulaga na iai le taavale ma le lavea na iai.
Puna o Faamatalaga: https://www.nzherald.co.nz/nz/one-person-dead-following-single-vehicle-crash-in-epsom-central-auckland/
